Tölvu- og Fjarskiptaþjónustan

Ein af algengari spurningum sem ég fæ er hvaða fartölvu sé best að kaupa. Það er mjög erfitt að svara þessu að einhverju viti þar sem þú færð yfirleitt það sem þú borgar fyrir.

Það sem helst má dæma gæði eftir er ábyrgðin sem framleiðandinn er með á tölvunni.

Tölvur með þriggja ára ábyrgð (eða meira) er hægt að treysta.

Það er vegna þess að framleiðandinn ætlar sér aldrei að borga fyrir ábyrgðarviðgerð, þær eru óhemju dýrar.

En að sjálfsögðu eru til tölur um bilanatíðni, en Það er erfitt að segja hversu réttar þessar tölur eru.

Hérna er ein frá SquareTrade sem er fyrirtæki í Bandaríkjunum sem veitir auka/lengri ábyrgð.

Í þessa könnun vantar framleiðendur, svo sem Fujitsu og Medion. Ég hef enga skýringu á hvers vegna þær vantar.

Skýrslan í heild.

Fyrsti fullgyldi Linux serverinn sem við setjum upp er núna búinn að vera í gangi í rúman mánuð, og hefur ekki sýnt annað en hvað þetta er frábær hugbúnaður.

Stöðugleikinn og stækkunarmöguleikarnir eru ótrúlegir. Og það besta er verðið, hugbúnaðurinn kostar 0 kr!

Síminn hefur gert athugasemd við Póst og Fjar vegna uppsetninga okkar á GSM endurvörpum, og hefur Póst og Fjar þess vegna beðið okkur um að bíða með allar uppsetningar.

Þetta finnst okkur mjög leiðinlegt, þar sem öll fjarskiptafyrirtæki á GSM markaði viðurkenna að það er ekki nokkur möguleiki að ná 100% mettun á alla staði.
Þess vegna eru GSM endurvarpar tilvalin lausn og í raun ótrúlegt að fjarskiptafyrirtækin skuli ekki taka þessari nýjung fagnandi.

Vegna leiðinda í efnahagslífinu verð ég að hætta með talnalásana.

Þeir eru því miður orðnir of dýrir í innflutning til að hægt sé að selja þá hérlendis.

Ef einhver hefur sérstakan áhuga get ég sérpantað.

Gelðilegt ár allir.

Vonandi eigum við gott og farsælt ár í vændum! ¨

Ný sending af endurvörpum var að koma í hús.

Í þessari sendingu eru GSM endurvarpar fyrir bíla, svo sem vörubíla, rútur og húsbíla, eða alla sem vilja vera í sem bestu GSM sambandi á ferð sinni um landið.

Næstu daga og vikur verða gerðar tilraunir með þennan búnað. En það eru ekki fyrirséð nein vandræði og við væntum þess að þessi búnaður virki jafn vel og fasti búnaðurinn.

Ef  þú keyrir á erfiðum stöðum, þar sem farsímasamband er slæmt, þá endilega hafðu samband við okkur og við setjum þetta í bílinn hjá þér endurgjaldslaust til prufu í einhverja mánuði.

Að gefnu tilefni tökum við fram að við eigum ekki til endurvarpa til að setja upp fyrirvaralaust.
Til að allt virki sem best þurfum við fyrst að kanna staðinn (side survay), síðan pöntum við búnað sem hentar hverju sinni.

Kynning og auglýsingar á GSM endurvörpunum er núna á fullu.
Auglýsing í Viðskiptablaðinu kom í morgun á baksíðunni, það eru nú þegar komin þónokkur viðbrögð og virðist lofa góðu.
Enn sem komið er hafa bara fyrirtæki hringt.

Þá er nafnabreytingin komin í gegn.
Við verðum að vona að engin sé með þetta einkarétt á þessu nafni eða líku.

Þar sem TRS finnst nafnatengslin vera of mikil á milli Tölvu- og rafeindaþjónustu Suðurlands og Tölvuþjónustu Suðurlands verð ég að bíða með uppfærslur og frekari vinnu við síðuna þar til þetta er komið á hreint.

Það er því miður mjög líklegt að ég verði að skipta um nafn þar sem ég hef ekkert í líkingu við fjármagnið sem TRS hefur til að kaupa mér lögfræðing eða þvílíkt.